Ia ka World Population Day halor ka phang “Adopt family planning measures and write a new chapter of progress” la rakhe mynta ka sngi ha nongbah Khliehriat ha MCH building jong ka Khliehriat CHC, East Jaintia Hills District.
Ia kane ka prokram la pynbit pynbiang da ka ophis District Medical and Health Officer, East Jaintia District. La iadon lang ha kane ka sngi da u Jonathan Shylla, MCS, Addl. Deputy Commissioner, East Jaintia Hills District, Khliehriat kum u kongsan. I Dr (Mrs) N.P Suchiang, DIO, I/c East Jaintia Hills District, Khliehriat bad Dr. Wandap Bamon, Sub- Divisional Medical and Health Officer, East Jaintia Hills District, Khliehriat ruh kila iadon lang.
Haba kren ha kane ka sngi u bah Shylla ula ban jur halor ka jingeh kaba lah ban mih na ka jingroi palat jong u bynbriew. Ula kdew ruh halor ka jingeh kaba ki kmie bad ki khun kilah ban ia kynduh, kumta u ong ba kum ki long kpa ki dei ruh ban don ka jingkit khlieh lang na ka bynta ka bha ka miat bad ka koit ka khiah jong ka longkmie ka iing. U la ong ruh ba ia kane ka jingmut jingpyrkhat jong ki briew lah ban pynkylla lyngba ka jingnang jingstad bad ka jingioh jingtip kaba biang.
Kham hashwa la ioh ka jingkren lyngba i Dr. (Mrs) N.P. Suchiang iba la batai lyngkot halor ka jingthmu jong kane ka jingrakhe ia kane ka sngi World Population Day. Ila ong ba ka jingthmu hi ka long ban ai ka jingpynsngewthuh sha baroh shaphang ka jingtip ban pynkhreh ia la ka longïing longsem, ka jingpynduna ia ka jingbun briew ha ka pyrthei bad ka mat jong ka jingktah ia ka mei mariang na ka daw jong ka jingroi palat u khun bynriew. Kala batai ruh ba ka rukom ioh khun ka dei ban jngai 3 snem hapdeng i khun nyngkong bad i khun ba-ar bad ia kane dei ban bud rynti da baroh ki longïing longsem.
Kiwei de kiba la ai jingkren bad jinghikai ki kynthup ia i kong S. Dkhar, BEE, Khliehriat CHC, kong R. Dkhar, CHO, Khliehriat CHC, Dr. Wandap Bamon, Sub- Divisional Medical and Health Officer, East Jaintia Hills District, Khliehriat bad i kong Daphihi Passah, Adolescent Health Counsellor, NHM, Khliehriat.