Ka ophis Mawryngkneng C&RD Block mynta ka sngi kala leit ban ai jingiarap sha kito ki lanot kiba la shah ktah na ka jinglynshop jur jong ka lyer kaba la rong ia ki tnum ïing bad pynpra ruh ia ki ïing ki sem kaba la jia hynnin ka sngi (5/5/2024). Na ka liang jong ka ophis Block ka la leit ban pynioh da ki tin sop ïing sha kitei ki lanot.
Hapoh jong kane ka C&RD Block ki don haduh 21 tylli ki ïing kiba la shah ktah na kane ka jinglynshop ka mariang. Iathuh ka khubor na ka ophis Executive Director, State Disaster Management Authority, Meghalaya, Shillong