Haduh 20 lak ki tynrai dieng yn thung ha ki jaka ka Raij Buam
Ka ophis jong ka Raij Buam mynta ka sngi kala pynlong ïa ka prokram leh burom ïa u Symbud Myntri Rangbah ka sorkar jylla u ma Sniawbhalang Dhar halor ka jingkloi jong u ban ïarap ïa ka jingeh ha kaba ïadei bad ka “Krangshuri ka jaka jngohkai ba paw bad mynta ka sngi la aiti syndon haka Raij Buiam ban sdang pynïaid noh ïa katei ka jaka.
Ha kane ka sngi haka jingïalang bala pynlong ha madan Umladkhur u myntri ula plie ïa u mawnongrim ban pynjyrngam ïa ka khlaw jong ka Raid Buam da kaba thung ïa ki tynnrai dieng haduh 20 lak tylli lyngba ka Regeneration Meghalaya Project daka jingïatreilang ka Earthtree Environment Pvt. Ltd.
U myntri ula plie ruh ïa u Mawnongrim jong ka Kshaid bala ai kyrteng “Sniawbhalang Dhar Waterfalls” kaba don ha Amtharong Pdeng Thangchap, Amlarem Sub-division West Jaiñtia Hills Distict, ïa kane ka jaka la ai sngewbha da ka Raij Buam sha u Symbud Myntri halor ka jinglehbha jong u ïa ka Raij na ka bynta ka Krang Shuri bad ka jingmyntoi ki paidbah nongshong shnong. Na ka liang u myntri ula ong shen un sa wan jngoh hi dalade ïa kane ka jaka khnang ban wanrah ïa ki skim pynroi hapoh katei ka jaka na ka bynta ka kam jngohkai pyrthei ha katei ka thaiñ.
Shuh shuh u symbud myntri ula pynsngew ïa ki kam pynroi kiba ka sorkar kala leh na ka bynta ka kam jngohkai da kaba ailad ban seng ïa ki ‘Home Stay’ kiba la poi sha ka 5 hajar tylli hapoh ka jylla nalor ki Hotel bad kiwei de. U la ong ba ka jylla mynta kala paw bha ha kiba bun ki liang bad kiba bun ki briew nabar kila ithuh lut ïaka jylla Meghalaya.
Ha kane ka sngi la wan ban donlang naduh u Abhinav Kumar Sing, IAS Deputy Commisioner WJHD, u Jagpal Singh Dhanoa, IPS Superintendent of Police, ka SDO (Civil) Amlarem kong Vevotolu Kezo, IAS, u MLA ba rim ma Stephanson Mukhim, ki Dolloi, ki nongkitkam ka Raij Buam bad ki paidbah nongshong shnong ka Umladkhur nalor kiwei de kiba la shah khot sngewbha.
La pynphuh shuh shuh ïa kane ka sngi da ka jingshad thma na ka Seng Khasi Mawphlang bad ka jingshad tynrai da ki khun samla ka Raij Buam.
Kum ka dak jong ka jingkmen nalor u symbud myntri la pynkup burom kumjuh ïa ïa ki Executive Member ka Raij Buam, ïa u ma Soomeyoo SNS Sayoo, Adviser ka Raij Buam uba la ai ruh ki kyntien ai khublei haba pynkut ïa ka jingïalang. Ka Raij Buam kaba kynthup ïa ki saw tylli ki kur kata ka (Buam, Kyriem, Surong, Sumer).
