U Myntri ka tnad jngohkai pyrthei mynta ka sngi ka 15 tarik Naitung 2025 u Bah Paul lyngdoh ha ryngkat u Myntri ka Tnad Transport ha ryngkat bad ki ophisar ki la shong jingialang ban iamir jingmut na ka bynta ka jingshngaiñ ka leit ka wan u paidbah.
Haba kren bad ki nongthoh khubor u Myntri ka tnad jngohkai pyrthei u Bah Paul lyngdoh u la pyntip ba ka sorkar ka la thaw ki lad ki lynti ban pynthikna na ka bynta ka jingshngaiñ ka leit ka wan khamtam ka jingnang kiew jong ki briew kiba wan jngoh ia ka shillong bad kiwei kiwei de ki shnong kiba hap hapoh ka jylla.
U la ong ba ka sorkar ka la shim ia ka rai ba baroh kiba niah kali kamai kin hap ban pynpaw ia ki driver ia ka kyrteng, ki licence ki number plate kamai, bad kumjuh ia u phone number jong ki driver kiba niah ia ka kali kamai, bad kane ruh kan iada ruh ia ka juh ka kali kaba niah palat ia u driver bad kan pynthikna ia ka jingshongshngaiñ na ka bynta ki nongleit nongwan.
U Myntri u la ban jur ruh ba kane ka aiñ ba thymmai ka long kaba donkam bad kaba dei ia baroh ki draibar ban leh khlem da ai daw (mandatory). Nalor kata u la ong ruh ba hadien ba la dep ban pynrung kyrteng thymmai ha ka Tnad Transport, ka kawei ka kyrteng kan long na ka bynta kawei ka kali ne u nongniah ym ban pyndonkam palat ia kata.
Shuh shuh u la pynkynmaw ba baroh ki Ri ba la paw bha ha ka pyrthei ki pyndonkam lang da kane kajuh ka buit na ka bynta ka jingmyntoi jong ki nongleit nongwan. “Kane kan iarap na ka bynta ban pynduhjait ia kito ki briew kiba thmu ban leh ia kano kano ka kam sniew da kaba pyndonkam da ki kali kamai. Kane kan treikam ha baroh kawei ka Jylla” ong u Myntri.
