Na ka daw ba kan don ka 5th Sohra Half International Half Marathon ka ban sa pynlong ha ka 4 tarik mynta u bnai, na ka liang ki bor pyniaid Sub-Division kila pynbna ba kan don ka jingkhang iaid ki kali lyngba ki katto katne tylli ki surok naduh ka por 4:30 AM haduh 10:00 AM.
Kine ki surok ki long ka Mawkdok sha Sohra na Laitsohpliah (hajan Meili Resort), ka Mawkma sha Shillong-Sohra road, ka Laitmawsiang, Laitryngew Road sha Shillong-Sohra Road, ka Dainthlen Junction, ka Khliehshnong, Sohra sha Shillong-Sohra road, ka Laitkynsew-Sohra Road lyngba ka Mawmluh bad ka Lad Sohbar-Shora Road.
Kumta la kyntu ia ki nongleit nongwan, ki nongwan jngohkai (tourist) bad ki riew paidbah kiba thmu ban iaid lyngba kitei ki surok ba kin buh jingmut ban iaid da kiwei pat ki lynti ne ban kiar hapoh kitei ki por ba dang don katei ka jingiakop mareh marathon.
Hynrei na ka bynta ki kali ba donkam kyrkieh (Emergency) kum ki Ambulance, ki kali pynlip ding bad kiwei yn ailad ba kin iaid khlem kano kano ka jingkhang lad.