Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskeiñ Sport Association kaba la long mynta ka sngi 10 tarik u Nailur, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka Mainroad SC Wahiajer kala jop da 3-2 kol ïaka Maya SC Wahiajer, ïa ki kol na ka Mainroad SC la thep da u Chilangmitre Laloo haka minit ba 14, 58 & 60. Ïa ki kol na ka Maya SC la thep da u Iaid Pale haka minit ba 28 bad u Bunki Lyngdoh haka minit ba 68.
Haka jingïakhun kaba ar ka Mukhla Sohshrieh SC kala jop da 3-1 kol ïa ka Tympang SC Wahiajer, ïa ki kol na ka Mukhla Sohshrieh SC la thep da u Elbious Sari haka minit ba 63, u Odawan Lyngdoh haka minit ba 67 bad u Aimson Sari haka minit ba 69. Ïa ka shikol na ka Tympang SC Wahiajer la thep da u Pynsuk Shylla haka minit ba 27.
Katba haka jingïakhun kaba lai hapdeng ka Good will Mupliang bad ka RC Dreaming Mupliang kila poi sha ka jingïakhaid khlem don kiba ïoh ban thep kol (0-0).
La pyntip ka jingïakhun haka sngi 11/09/2026 haka por 10 baje mynstep ka Lumkhudung SC pyrshah ïaka United SC, haka por 12 baje mynsngi ka Ryntih Mynsngat pyrshah ïaka Mukhla Veterans. Katba haka por 2 baje nohphai sngi ka Rakabah Hunlang pyrshah ïaka Namdong Christian Club.