La plie ia ka wat ba-lai jong ka Skill Training ha shnong Darrang

Ka Society for Urban and Rural Empowerment (SURE) ha ryngkat ka jingiatreilang bad ka ophis jong u Deputy Comissioner Jowai  lyngba ka jingkyrshan ka District Administration Border Area Development Program (BADP), West Jaintia  Hills kaba la pynbit pynbiang lang ryngkat da ka ophis Jong ka Meghalaya State Skills Development Society,(MSSDS) West Jaintia Hills  ka la plie donburom ia ka wat ba-lai (3^rd Batch) Skill Training na ka  bynta ki nongshong shnong jong ka thain Darrang ha ka sngi Thohdieng.

Haba kren lamkhmat ha kane ka jingialang u Dr. H. H Mohrmen uba long u nongialam ka SURE ula batai ba kin don artylli ki jait kam ki ba kin ai jinghikai ha kaba iadei bad ka training kawei kadei ka Food Processing bad kawei pat ka Street food. Shuh shuh u Dr Mohrmen u lah bynrap ruh ba ha kane ka Training yn hikai ruh ha kaba iadei bad ka kam kumno ban seng kam seng jam (Entrepreneurship) bad kumjuh ruh kumno ba ki nongseng kam kin pan ram na ki bank bad ruh kumno ban kin ioh iaka  FSSAI Certificate. Ula ong ruh ba ka jingthmu jong kane ka training ka long shi bynta na ki lad ban pynioh kam ia ki samla ha shnong lyngba ki jinghikai ba kin ioh.

Ha ka jingialang la ioh ruh ka jingkren na u Rangbah Shnong ka Shnong Darrang u ma N. Ryngksai, u ba la pdiang sngewbha ia ki nongwan kumjuh ruh ia ki nongshim bynta ha kane ka training.

U Dolloi jong ka Darrang Elaka u Pyrwa Lymba kum u kongsan ha ka jingialang plie ia ka 3^rd Batch ia ka jingai jinghikai (training) ia ki  Samla u la kyntu ia ki Samla ba katba dang biang ka por dei ban shim ia ka kabu bad ban kitkhia ha ki kam ba ki trei ne ki don.

Shuh shuh ha ka jingialang la ioh ruh ka jingkren kyntu kympham bad ai mynsiem ia ki Samla (trainees) na u Skill Development Officer (SDO) MSSDS, ma Lambor Suchen bad ruh na u General Secretary JSU  u T. Suchen.

Ha ka jingialang la iadonlang ryngkat bad ki Rangbah Shnong jong ka thain, ki Secretary/Chairman jong ki Tourisms Development bad ruh ki Staff jong ka SURE ki ba la ia sakhilang ha ka jing plie don burom ia ka 3^rd Batch jong ka Skill Training ha ka  shnong Darrang.