Jowai: Ka tnat ka koit ka khiah jong ka sorkar jylla mynta ka sngi kala pyntip ba ki briew kiba la ngat thymmai (COVID-19 positive) ha ka jylla baroh kawei ki don 218 ngut, kiba la koit na ka jingpang ki don 134 ngut katba kiba la khlad na kane ka jingshitom ki don 2 ngut. Napdeng kine kiba la khlad 1 dei i bym pat dep ai ia ka tika jingiada Covid.
Na Ri Lum Jaintia : Na East Jaintia Hills ki ba ioh pang thymmai ki don 3 ngut, ym don ba koit ne ba khlad mynta ka sngi. Na West Jaintia Hills pat kiba dang ngat thymmai ki don 82 ngut, kiba la koit ki don 15 ngut bad i wei ba khlad mynta ka sngi. Katkum kane ka kaiphot ka pynpaw ba mynta ka sngi hapoh ka jylla dei ka West Jaintia kaba bun eh kiba ngat ha une u khniang jingpang Covid-19.
