Ka seng JSU seng kmie hapoh ka jingialam u Assistant Education Secretary u samla Dewan C. Bareh ka seng ka lah phah da ka jingthoh sha u DC ka West Jaintia Hills bad ruh sha ka DSEO bad sha u Joint Director School Education ryngkat bad ki kyrteng ki khynnah pule ki ba duh class ha ki skul sorkar ki ban pule ia ka klass XI hapoh ka Kiang Nangbah College, Jowai Government Boys and Girls Higher Secondary School.
Ka seng hadien ba ka lah ioh lum ia baroh ki kyrteng ki khynnah pule kiba duh klass ka seng ka lah shim khia ban thoh sha ki bor ba halor ban wad ka lad ka lynti kumba leh ha u snem ba lah dep ban pynioh rung klas ia baroh ki khynnah kiba lah shim admission.
Ka seng ka lah ioh ruh ban ia kren bad u DC ka West Jaintia Hills ma Garod LSN Dykes bad na ka liang jong u, u lah kular ban shim khia ia kane ka mat ba ka seng ka la wanrah ha u bad u la ong ba ha ka taiew ban wan un sa peitkhmih ia kane ka jingduh klass ki khynnah.
Ka seng ka phah ruh ka kyrwoh sha ki khynnah ba duh klass ba kim dei ban duh mynsiem hynrei ban ap hadien ka jingpynbeit na ki bor ba halor ban ioh pynrung klass noh ia baroh.