Ka jingiakhun Independence Day Cup U-17 Football Tounament 2022 kaba la pynlong da ka West Jaintia District Sports Association, Jowai kum shi bynta na ka jingrakhe ia ka jinglehkmen dap 50 snem kaba la pynlong ha Kiang Nangbah Stadium, Jowai ka dang iaid shakhmat haduh mynta bad mynta ka sngi la ioh ban pyniakhun haduh 5 tylli ki game.
Ha ka jingiakhun kaba nyngkong hapdeng ka Khimusniang bad ka Lumpyrtuh, ka Khimusniang kala pynliem ia ka Lumpyrtuh Mihmyntdu da 4-1 kol.
Ki nongthep kol jong ka Khimusniang ki long u Lammida o Dkhar ha ka minit kaba 30, u Heiminmiki Dkhar ha ka minit kaba 34, u Banshan Lytan ha ka minit kaba 46 bad u Meroily Lytan ha ka minit kaba 57.
Katba u nongthep kol jong ka Lumpyrtuh Mihmyntdu u dei u Kdupmiki Rymbai ha ka minit kaba 71.
Ha ka jingiakhun kaba ar- hapdeng ka Chutwakhu bad ka Tpep Pale, ka Chutwakhu kala pynliem ia ka Tpep Pale da 3-0 kol.
Ki nongthep kol jong ka Tpep Pale ki long u Ethan Suting ba la ioh thep ha ka minit kaba 6, u Satur June ha ka minit kaba 19 bad u Damehi Rngad ha ka minit kaba 55.
Ha ka jingiakhun kaba lai- hapdeng ka Demthring pyrshah ia ka Mookynphad Mihmyntdu, ka Mookynphad Mihmyntdu kala jop da 2-0 kol.
Ki nongthepkol jong ka Mookynphad Mihmyntdu ki long u Honesty Phawa ha ka minit kaba 5 bad u Evening Tariang ha ka minit kaba 51.
Ha ka jingiakhun kaba saw – hapdeng ka Sabahmuswang pyrshah ia ka Sohmynting, ha kaba ka Sohmynting kala jop da 1-0 kol lyngba ka kol ba la thep da u Pyniolad Pohleng ha ka minit kaba 32. Ha ka jingiakhun kaba san – hapdeng ka Chilliangraij pyrshah ia ka Nangbah Sports Association, ha kaba ka Chilliangraij kala jop da 4-0 kol. Ki nongthep kol ki kynthup ia u Iakisalanmi Lanong ha ka minit kaba 41, u Dashngain Dkhar ha ka minit kaba 48, u Seibok Tariang ha ka minit kaba 49 bad u Hambert Dkhar ha ka minit kaba 56.
