Mynta ka sngi u Myntri Rangbah ka jylla u Conrad K. Sangma u la wan ban pynhap pyrda ia ka jinglehkmen dap 25 snem ne Silver Jubilee Celebration jong ka Thomas Jones Synod College Jowai, ha ka jingia donlang ruh u MLA ka Jowai u ma Wailadmiki Shylla, u myntri ka tnat pule puthi ma Lahkmen Rymbui, Dr. D.G. Lyngdoh Principal, Rev G.S. Lytan Moderator, KJP Synod Mihngi Cum Chairman Governing Body, TJS College, u CEM JHADC ma Thombor Shiwait, SP WHJD Shri. B. D. Marak, ki Pastor, ki MDC, u Dalloi ka Elaka Jowai u ma P. Kynjing, ki nongtrei bad ki samla pule ka College kumjuh kiba la pass na kane ka College bad kiwei de. Ia kane ka prokram la pynlong ha phyllaw ka College, ha kaba ia ka jingialang la pyniaid da u ma W.E.H. Lamin, Convener Silver Jubilee Celebration.
U Myntri Rangbah ula plie pyrda ruh ia u maw marbel jong ka jingsdang ia ka Science Stream ha kane ka College.
