Kum shi bynta ka jingpynkhreh ban leit iashim bynta ha ka State Championship ka ban sa long ha nongbah Tura, ha u bnai September 2022, na ka liang ka West Jaintia District Badminton Association (WJDBA) ka la pynlong ia ka 13th District Open Badminton Championship 2022 kaba la sdang naduh ka 8 tarik mynta u bnai ha Seiñ Raij Indoor Hall, Tpep-Pale, Jowai.
Ha kane ka lynpung ialehkai Badminton lawan ia shim bynta na kylleng ki shnong hapoh ka Ri lum Jaintia naduh na Sutnga, Khliehriat, Shangpung, Wahiajer, Darang, sohkha, ATS bad baroh ki kyntoit ka sor Jowai, kiba la kot haduh 88 ngut ki nongialehkai kynthup ia ki shynrang bad kyhthei haki kyrdan bapher bapher.
Ia ka Final jong kane ka lympung yn pynlong ha ka 13-8-2022, ha kaba la khmih lynti ba u Daloi ka Elaka Jowai Mr. Puramon kynjiñ un long u kongsan, katba u Ma Arwotki Sumer General Secretary ka Seiñ Raij Jowai un long kum u symbood kongsan. Ka Association ka khot ka wer ia baroh ban iawan pynshit pynsyaid ia kane ka lympung kum shi bynta ban ai mynsiem ia ki rang bad thei ialehkai jong ka District.
Ha kane ka lympung ka Association kala ioh ban pynlong haduh 102 tylli ki jingiakhun (Match) ha ki kyrdan bapher bapher.
