Kum shi bynta na ka jingrakhe ia ka “Azadi Ka Amrit Mahotsav” la pynlong ia ka prokram ba shisngi halong ka phang “Combating Child Trafficking” da ka National Commission for Protection of Child Rights (NCPCR), da ka jingiatreilang ka State Commission for Protection of Child Rights, bad District Administration, East Jaintia Hills District, ha nongbah Khliehriat.
Ha kane ka sngi la iadon lang u Deputy Commissioner East Jaintia Hills District, Khliehriat, u A. Baranwal, IAS. U ba la ai jingkren ruh halor ka jingshah pyntrei jubor ki khynnah, ka jingpep skul ba shiteng por bad kiwei kiwei ki jingshah pynduh noh jong ki khynnah ia ka hok jong ki. Ula ong ba kane baroh ka jia na ka jingkyrduh, kumta ula ong ba na ka liang ka sorkar India kala shim khia bha ban pynduh noh ia ka jingkyrduh hapoh ka ri.
Kiwei de kiba ai jingkren ha kane ka sngi ki kynthup ia u Abhijit Sharma, Expert Resource Person, National Commission for Protection of Child Rights (NCPCR), ma T. Kyndiah, District Child Protection Officer (DCPO), East Jaintia Hills District, Khliehriat
Ha kane ka prokram la wan ban iashim bynta da ka tnad Pulit, ka District Child Protection Unit (DCPU), Child Welfare Committee (CWC), Juvenile Justice Board (JJB), Childline, Village Community Level, In charge of Special Juvenile Police Unit bad ka Anti Human Trafficking Unit.
