Ia ka Channel YouTube jong ka P.K@28 Production la ioh ban pyllait paidbah mynta ka sngi 11/09/2021 ha Jowai. Ha shwa ban pyllait paidbah ia kane ka channel la ioh ia ka jingduwai kyrpang na u wei u Rangbah u Bah Dameki Kma.
Ka la don ka jingialang ka ba lyngkot ka ba la pyniaid da u Bah O. L Tariang u ba dei u wei na ki co- owner jong kane ka channel. U Paila Kordor Lyngkot u ba long u Owner jong kane ka channel ha ba ai jingkren ha kane ka sngi u pynpaw ia ka jingsngew nguh ia U Blei U ba la kyrkhu ia ki da ka ba ong lyngba kane ka channel ngeit skhem kan long ka jingkyrkhu ia ki babun ki khun samla jong ka Ri bad ka Jait bynriew khamtam ki to ki ba sngew tynnat ha ki kam shad kam rwai bad ha ki kam ak phlim bad kan long ka lad ka kabu ksiar ia ki ba kin pyni ia la ki sap ki phong ba ki don. Na ka liang jong u Paila Kordor Lyngkot u la pyntikna ba kin pyllong man la ki por ia ki jingiakop khnang ba ki khun samla kin ioh ban iashim bynta khlem kano kano ka jingsiew ha ki kam pyni ia la ki sap ki phong ba ki don.
U Bah Dapoi Laloo ha ba kren kum u symbud kongsan u la kit bok Kitrwiang ia ki nongpyniaid ia kane ka channel khnang ba kan long ka jingmyntoi ia ki ba bun balang khamtam ia kito ki khun samla ki ba don ka sap ka phong ha ki bynta bapher bapher.
U Bah Tell me Phawa u ba long u Rangbah Shnong jong ka Sabah bad u Joint secretary jong ka Synjuk ki Waheh Chnong jong ka Ri lum Jaintia ha ba kren kum u kongsan ha kane ka sngi u la ai bor ai mynsiem ia ki trai jong kane ka Channel P. K@28 Production ba kin nang iai trei shitom met bad mynsiem khnang ba kin nang lah ban shakri khambha ia ka imlang sahlang da ki kam babha.
La ioh ruh ia ka jingrwai na u Bah Rapmiki Pohti bad u bah Shaphrang Pajuh.
Ki wei de ki ba kren ha kane ka sngi ki long u bah Wil Dkhar, u bah Never Care Passah, u bah Shaphrang Pajuh, ka Kong Nidaialam Dkhar bad ia ki kyntien ai khublei la ai da i kong Bynta D B Lyngdoh.