U Deputy Commissioner ka West Jaiñtia Hills District ula pynmih biang ia ka hukum mynta ka sngi ka ban pynbud ia ka hukum kaba la dep pynmih naduh ka 1.07.2022 kaba iadei bad ka jingkhynra ia ka jingpyndonkam ia ki pla plastic ne ki tiar ba lang plastic ba pyndonkam tang shisien pyndonkam, hapoh ka Plastic Waste Management (Amendment) Rule 2021.
Kumta ha kaba iadei bad kane ka kam khynra Plastic ba ar sngi ka 16 bad 17 tarik mynta u bnai la thung ia u W.K. Kharbuli, MCS, EAC West Jaiñtia Hills District kum u Officer Incharge bad ia u M.A. Chllam, MDC, ADC West Jaiñtia Hills District kum u Supervisor.
Ki jaka ban khynra kin kynthup ia ki bynta jong ka Iawmusiang, Jowai bad ki bynta jong ka Iawthymme, Ladthalaboh.