Mynta ka sngi u Deputy Commissioner ka West Jaintia Hills District u ma Garod LSN Dyke IAS ha ryngkat ki nongialam seng kiba kynthup ia u President ka Synjuk Waheh Chnong Jowai u ma A. Niangti, u Pyresident ka Khooid Ya ka Wah Myntdu (KYM) u ma Khroo L. Pariat, President ka DF&EPA ma D.H. Pde lem bad ki dkhot kila jurip ia ka jaka pynkhuid um (Treatment Plant) ka tnad PHE kaba don ha Urkhla, Khimusniang, Jowai.
Hadien ka jingjurip ha Urkhla kane ka kynhun kala leit ruh ban jurip sa ia ki jaka pyllang um (Water Storage) kiba don ha Khimusniang, Moolikso (Iongpiah) bad ha Ladthalaboh Dongmihsngi.
Ha kane ka jingleit jurip na ka liang jong u President ka KYM ma Pariat ula ai jingmut ia ka tnad PHE ba ka dei ban buh da ka jingthoh ha ki tanky pynlang um ia ka tarik kaba la dep pynkhuid ia ka bad ruh ia ka tarik ka ban sa pynkhuid biang ia ka.
Kumjuh ruh la ai jingmut ba baroh kine ki storage tank dei ban ai rong ai rup khnang ba kan pynitynnad ia ka shnong ka thaw.
Ha ka juh ka por la dawa ruh ia u EE ka PHE Electrical Jowai Division ba u dei ban phah pynkhuid ia ka khyndew kaba la lang ha ka dam tan tum kaba don ha Mupiah, Wah Myntdu.
Ha kane ka jingjurip la synran lang da ki ophisar ka tnad PHE naduh u SDO ma R. Challam bad ki staff jong u.
