Mynta ka sngi (20 tarik August 2022) na ka liang jong ka Khasi Students’ Union (KSU) Ummulong Unit kala ioh ban pynkup burom ia ki 9 ngut ki khynnah kiba pass shakhmat ia ka SSLC bad HSSLC Exam bad kumjuh ruh ia iwei i ba pyndep ia ka PhD ha ka Education Department bad kumjuh ia iwei iba ioh ia ka nam lah duh ha ka 2nd MEGHALAYA BODYBUILDING CHAMPIONSHIP under 5’4″ category.
Ka KSU dap da ka jingkmen haba ioh ban pynkup burom ia ki samla jong ka shnong ummulong kiba wanrah ia ka nam hapoh ka shnong ka thaw.
Ha shwa kane ka jingsam khusnam la don ka jingialang ba lyngkot kaba la pyniaid da i Samla C.R.Sana, Education Secy Jowai Circle bad kumjuh ruh la ioh ka jingkren lamkhmat na i samla Ioanis Suchiang iba dei i President jong ka Jowai Circle ha kaba i la ong ba ka ym dei ban klet ia ka shnong lajong lada ki khun ka shnong ki poi sha khmat jong ka nam bad ka burom ruh. La ioh jingkren ruh na i Samla Dr.Toba Lamare iba pyndep ia ka PhD (Education), i la kyntu ia ki samla ba ki dei ban iai minot tat haduh ban da ioh ia ka thong ba ki thmu ha ka jingim jong ki.
Kumjuh ruh la ioh ka jingkren na i samla Leningrad Tariang iba dei i Genl. Secy. West Jaintia Hills District. Ha ka jingkren i la kyntu ba ia kino kino kiba pass ki dei ban ieid ia ka jingpule kiba ki leit bad ba kin iabeh ia ka thong bad ruh ban kynmaw ia ka burom akor bad ba nym klet ia ki kmie ki kpa kiba trei shitom miet la bad sngi ban pyndap na ka bynta jong ki namar ba ka burom ka akor ka dei kaba tam. La don ruh ka jingpyni dohksah na u samla Luckyman Kynjing uba ioh ia ka nam lahduh ha ka 2nd Meghalaya Body Building Championship 2022 Under 5’4″.
