Ka jingialang jong ki riew rangbah, ki Sordar, ki Rangbah Shnong, ki nongialam sengbhalang jong ka War Mihngi bad ka War Jaintia, la pynlong ha ka 11 tarik Nailur 2021 ha Dawki, ba la pyniaid da u bah M. Ryngksai, Rangbah Shnong Dawki.
Ka jingialang ka pynpaw ka jingsngewkhia shibun eh halor ka jingshah lehbein jong ki jait bynriew Khasi, ha ki shnong bapher jong ka Ri Bangladesh bad kumta la dawa ia u Myntri Rangbah, ba un iakren noh mar mar bad ka sorkar Bangladesh, na ka bynta ban pynsangeh shi syndon, ia kine ki jingshah lehbein nangne shakhmat.
La mynjur ruh ban thaw ia ka komiti ba shipor, lane ka Co-ordination Committee of Indo Bangla Riwar People, ha kaba u bah R.M Shabong un dei u Chairman, bah Kmen Myrchiang Vice Chairman, Bah S.S Manners General Secretary, bah Matthew Kongwang Asstt Secretary bad u bah Edmund Khongngai kum u Spokesperson and Publicity Secretary.
Kane ka long kat kum ka khubor bala pyllait da u bah Edmund Khongngai, Spokesperson and Publicity Secretary,
Co-ordination Committee of India Bangla Riwar People.