Mynta ka sngi da ki hajar ki paidbah jong ka thaiñ 4-Mowkaiaw kila ia mih paidbah ban wan sakhi sha ka jingialang kaba la khot ban pynskhem ia u kyrtong ka NPP na ka 4-Mowkaiaw Constituency.
Na ka liang jong u President ka National People Party (NPP) u ba long ruh u myntri rangbah ka jylla u Conrad K Sangma, u la wan ban pynskhem ia ka kyrteng u ma Habahun Dkhar ban aireng na ka 4-Mookaiaw Constituency na ka party NPP. Ia kane ka jingpynskem ia u ma Habahun la pynlong ha madan Khmutwasain ha shnong Mookaiaw, ha ka jingiadonlang u MLA ka Jowai ma Wailadmiki Shylla, MLA ka Raliang ma Commingone Ymbon, CEM JHADC ma T. Shiwat lem bad kiwei de ki NPP MDC ka JHADC, ma Nehlang Rymbai MLA ba rim, bah Bajop Pyngrope MDC Rambrai Jyrngam, ki nongkit kam ka NPP, ki paidbah nongkyrshan bad kiwei.
Mynta ka sngi ia ka jingialang la pyniaid da u ma Gilbert Stem uba long ruh u Adviser ka Party, ha kaba la ioh ruh ia ki jingkren pdiang burom na u Waheh Shnong ka Mookaiaw u ma Shaniah Lamare. Ha kane ka sngi la pynskem ruh ia ki nongkitkam ka Mookaiaw bad pdiang ia kiba wan rung thymmai sha ka party da u ma Wailad Shylla uba long u District President.
