Ka kong Trinity Saioo ka longkmie na ri lum Jaiñtia kaba long ka nongioh khusnem Padmashree mynta ka kynti kala ioh khur biang sa ia ka khusnam Governor’s Award for Exellence in Public Service ia kaba la sam da u Lat ka jylla u Satya Pal Malik mynta ka sngi ha Raj Bhavan, Shillong.
Ka kong Trinity kala ioh ia kane ka khusnam ka long halor ka jinglah jong ka ban wanrah ia ka roi ka par ia ki longkmie ha ki thaiñ nongkyndong, lyngba ka jingpyndonkam ia ka rukom thung jingthung khamtam ia u Shynrai Lakadong tang da kaba pyndonkam da ki sboh mariang.
Ia kane ka juh ka khusnam la ai ruh ia u Mahbubul Hoque uba dei u Chancellor ka University of Science & Technology, Meghalaya bad ba dei ruh u Chairman ka ERDF.
