Ka West Khasi Hills District Badminton Association (WKHDBA) ka phah ia ka kyrwoh kitbok kitrwiang ia u Secretary Jong ka Association i bah Badonboklang Marwein iba shong ba sah ha ladweitang Nongstoin ban lam khmat ia ka kynhun ialehkai Badminton jong ka Meghalaya Team sha Ka North East Zone Inter State Badminton Championship 2022 ka ban long ha nongbah Tripura ha u bnai u ban sa wan naduh ka 6 tarik haduh 11 tarik September, 2022.
Ka Association ka sngew sarong ia kane ka jingshah jied jong u bah Badon ban long kum u Manager jong ka Meghalaya Team, kane kan long ka burom ia ka dong bad ka thaiñ West Khasi hi baroh kawei. Ka seng kala sakhi da la ki jong ki khmat ia ka jingangnud bad ka jingtrei shitom ka jong u ia ka kam ialehkai ban kyntiew ia ki khynnah bad ki samla jong ka thaiñ ban wanrah ia ki sha ka level kaba katkum ka standard kaba mynta.
Ka seng ka da sngewnguh ruh ia ka Meghalaya Badminton Association bad ka State Sports kaba la bynshet ha une u samla ban ialam ia ka kynhun bad kyrmen kane ka jingleit ban ia aireng ia kane ka Inter State Zone Championship kan wanrah bun ki khusnam ia ka State.
Na ka liang jong u President ka seng u bah S. Lyndem u pynpaw ka jingsngewkmen shi katdei ia kane ka jingangnud ka jong u samla Badon Marwein bad kyntu ia baroh ki nongialehkai ban long kiba la pynkhreh bha ban ai reng ia kane ka lympung ialehkai.