Mynta ka sngi ka ICICI Bank Limited hapoh ka jingialam jong u Sushanta Nayak uba dei u Regional Head bad u Sumit Chetri uba dei u Branch Manager ka ICICI Branch Jowai kila leit ban aiti ia ki 8 tylli ki Oxygen Concentrators ha u Deputy Commissioner ka Wesh Jaintia Hills District u ma Garod L.S.N Dykes IAS ha ka ophis treikam jong u.
Kane ka jingai sngewbha jong ka ICICI Bank da kitei ki mashin ka long shi bynta na ka jingiakhun pyrshah ia kane ka khlam Covid-19 hapoh ka District.
Na ka liang jong u DC ula ong ba na kine ki 8 tylli ki mashin, lai tylli yn buh ha MCH, Jowai, mar ar tylli ha Ummulong CHC bad Nongtalang CHC bad kawei ha Laskein CHC.
Ka jingpynioh ia kine ki mashin kan long ka lad ban iarap ha ka liang ka jingsumar ba kyrkieh ia kito ki nongpang kiba donkam ia ka lyer oxygen khamtam sha ki bynta ba sha kyndong ne ha ki Block level.
Ha kane ka por la iadonlang ruh u DM&HO, ka West Jaintia Hills bad ruh kiwei de ki ophisar jong u DC.