Ka jingialehkai U Kiang Nangbah Memerial Trophy jong ka Super Division Football Tournament 2022 ba la pyniaid da ka West Jaintia District Sports Association (WJDSA) ka la nang iaid shakhmat ha Kiang Nangbah Stadium, Jowai.
Ka jingïakhun mynta ka sngi ka long hapdeng ka Khimusniang bad ka 7Wasa, ha kaba ka 7Wasa kala pynliem ia ka Khimusniang da 3-1 kol.
Ha ka jingiakhun ka Khimusniang kala ioh ban thep kol nyngkong ha ka kylla step jong ka jingialehkai lyngba u Eddie Bamon ha ka minit kaba 45+1 shwa ban kut artad ka kylla step.
Haba la poi ha ka kylla miet ki rang ialehkai jong ka 7Wasa kila ialehkai bha, ha kaba u nongthep kol ba paw jong ka u Burom Salahe lyngba ka Hat-Trik ula thep haduh lai tylli ki kol kata ha ka minit kaba 47, 52 bad 57 kaba la wanrah jingjop ia kane ka kynhun.