Ki nogshet ja sngi ha ki skul skul bapher bapher kiba don hapoh ka All Jaintia Mid Day Meal Workers- Union (AJMDM-WU) mynta ka sngi, ha ka jingkren sha ki lad pathai khubor, na ka liang u President u bah Jerry Suting u la ong ba ka seng ka pynpaw ka jingai khublei ia ki lad pathai khubor ha ka jingdonlang jong ki bad ka seng ba kumba long mynta hadien ka jingiakhih bajai bajai kaba long ha nongbah Shillong dangshen kumjuh ka jingialang bad ka tnat pule puthi ka sorkar ha kaba ki la kular ban kyntiew noh ia ka jingsiew ne ka jingai sngewbha (Honorarium) jong ki na ka 1 hajar tyngka sha ka 3 hajar tyngka hynrei ia kane ka dang sah sa ha ka tnat ka kam pisa tyngka ban pynioh noh ia kane.
Na ka liang u nonglam khmat ka AJMDM-WU, u ma Khroo L Pariat, u la ong ka seng ka la pynkynmaw biang mynta sa ia u Private Secretary u Myntri rangbah ka ri ia kane ka jingpynkiew ia ka bai nong jong ki, namar ka bai nong jong ki nongshet ja MDM ka wan khyndiat lyngba ka sorkar jylla bad khambun na ka sorkar kmie. Kane ka jingpynkynmaw sha u Secretary u myntri rangbah ka long kat kum ka shithi ba la phah da u Lat ka Jylla sha u Secretary u Myntri Rangbah duh ka Ri kaba naduh ka 06.06.2022, kaba la dap mynta 3 bnai pura khlem pat ioh jubab ei ei.