Mynta ka sngi ka MPUF East Jaintia Distric kala ioh ban pynskhem ia ki dkhot thymmai jong ka seng haduh arphew ngut da u President jong ka East Jaintia u ma Kyrshan Blah haka jingiadon ryngkat lang u Vice President u Prakash shylla bad la ia don ryngkat lang ruh u President ka sanshnong u samla Jony Phawa.
Haba ai jingkren u ma Kyrshan Blah u la kyntu jur ia ki dkhot ki ba dang wan pyniasoh thymmai ialade sha ka ka seng MPUF ba kin long kiba don ka akor don burom ha ba ki long ki dkhot jong ka seng khnang ba kin nym pynjah burom ia ka kyteng jong ka seng bad shuh shuh ula ong ruh ba kin trei shitrhem khamtam haba iadei bad ka imlang sah lang jong ka ri bad ka jaitbynriew khnang ba kiwei kin nym iohlad ban wan iuh roit ia ka jaitbynriew Phasi Pnar ka jong ngi.
Shuh shuh na ka liang jong u President ka East Jaintia u ma Kyrshan u la mana pyrshah ia ki dkhot kiba dang wan rung thymmai shah ka seng ba kin long adkar bha bad kim dei ba kin shim ia ka aiñ ha kti la jong khlem ba pyntip sha ki para member baiatrei lang. U President u la ai khublei ruh ia ki samla kito kiba dang wan rung thymmai sha ka seng namar ki la kloi ban wan pyniasoh ialade shah kane ka kam na ka bynta ka bha ka miat jong ka shnong ka thaw.