Ka jingialehkai Subroto Cup 2022 ha ka Sub Junior Boys (U-14) kaba dang iaid shait shait shakhmat ha nongbah Delhi mynta ka sngi ka jingiakhun ka long hapdeng ka jylla Meghalaya ba la mihkhmat da ka RC Eve Secondary School, Mihmyntdu kaba la lah ban pynbam haduh 13-0 kol ia ka Gujarat.
Ia kane ka jingialehkai la pynlong ha B.R. Ambedkar Stadium ha nongbah Delhi.
Ki nongthep kol jong ka Meghalaya ki kynthup ia u Hamedayo Nongtdu uba la ioh ban thep haduh 4 kol, u Givenson Suting 3 kol, u Samewon Khonglah 2 kol, u Richan Mi-O Lyngdoh 2 kol, u Dangkermi Oo Ryngkhlem 1 kol bad u Mar-Oo P Shylla 1 kol.
Katba na ka liang jong ka Gujarat wat la ka pyrshang katba lah ka buit ka bor hynrei kam lah satia ban ioh wat tang shi kol ruh.