Ka Hynniewtrep Integrated Territorial Organisation (HITO) Laskein Area hapoh ka jingialam u Nimain Lyngdoh – President bad ha ka jingsynran lang u Vice-President ka West Jaintia Hills u Overfive Biam kila hiar ban jurip ia ka Community Health Centre Laskein hadien ba la ioh shibun ki jingujor na ki paidbah halor ka jingduna jong katei ka jaka ai jingsumar kaba la buh naka bynta ban ai jingshakri ia ki paidbah ka thaiñ.
Ha kane ka jingjurip ka Seng kala lap shibun ki jingbym biang naduh ka bording, ki dawai, ki jingthiah, ka um, u Surok bad kiwei kiwei, kumta na ka liang ka Seng kan sa ai da ka jingthoh sha ka ophis u DMHO bad ruh sha ka ophis DHS, Shillong na ka bynta ban pynbiang ia ki jingdonkam jong kane ka jaka ai jingsumar.
