U Deputy Commissioner (Supply), East Jaintia Hills District u pynbna paidbah ba ia ka Ration Card ba thymmai lah ban leh lyngba ka Online Service, haba ka jingioh ia ka ka Ration Card kan shong na ka jingai bad pyllait da ka Ministry of Food and Civil Supplies, katkum ba lah buh na ka bynta shisnem.
Shuh Shuh, ban pyniasoh ia u Aadhaar Card jong ki nongioh bynta bad ka Ration Card, ban transfer ia ka Ration card na kawei ka FPS Dealer sha kawei pat bad ban thep kyrteng thymmai ne bate kyrteng ha ka Ration Card, lane ban pynthymmai ia ka jaka shong jaka sah (Address) lah ban leh ia kine baroh da ka Online lyngba ka https://megrcms.nic.in.
Ki nongioh myntoi ki lah ban pynrung kyrteng ialade da kaba pyndonkam da ka Aadhaar Number, bad ka User Name, Password ryngkat ka Ration Card Number.