Ka West Jaiñtia District Sports Association (WJDSA), Jowai ka khot ïashim bynta (Entry) na ka bynta ka lympung ïalehkai 1st Division Football League Cum Knockout Football Tournament 2022, kaba la tip kum ka ’11th U Chatister Kharkangor Memorial Trophy’ bad ïa kane yn pynïakhun ha madan Kiang Nangbah Stadium Dongmihsngi Jowai.
La ïathuh ba ka jingpynlong ïa kane ka lympung ka long shi bynta na ka jingrakhe ïa ka jingdap 50 snem ka Association ha ka jingïaid lynti ban pynkiew ïa ka kam ïalehkai Sports hapoh ka District hi baroh kawei. Na ka bynta ka bai rung (Entry) kan long Rs.2500/- kawei ka Affiliated Club bad 30/- tyngka man uwei u player kaba ym duna ïa ka 20 ngut ne palat 25 ngut.
Ïa ki kot donkam dei ban pynpoi ha u Hony. General Secretary ka WJDSA ma Lammat-oo Laloo ha ka por ba biang bad ka tarik ba khadduh kan long hapoh ka 17 tarik u Nailur 2022.