Ki nongkit kam ka Bharat Janata Party (BJP) 2-Jowai Mandal West Jaintia Hills District, mynta ka sngi kila leit ai da ka dorkhas ha ka Additional Deputy Commissioner, West Jaintia Hills District, kong D.D. Syngai MCS, na ka bynta ban pan ne dawa pynioh noh ia ka Polling Station ia ka Dorbar Shnong Loomsooiung New Hill Jowai.
Mynta ka sngi na ka liang u President ka BJP 2-Jowai Mandal, u ma Kyrmen Siangshai, u la ong ba ka Party ka la leit ban pan ia kane ka PS ka long hadien ba ka DS Loomsooiung New Hill kala kwah noh ban ioh iaka Polling Station ne ka jaka thep vote la ka jong hi na ka bynta ban pynsuk ia ki paidbah ka shnong, namar baroh shi katta ki paid nongshong shnong jong ka Loomsooiung ki hap ban leit thep vote sha Polling Station jong ka Tympang Iawmusiang Jowai.