Pynhap pyrda u Conrad ia ka 37th State Badminton Championship ha Tura

-Lahduh ka WJH ha ka Men’s Single bad ha ka U-17 Boys’ Doubles–

Ka jingialehkai 37^th State Badminton Championship kaba la pynlong ha nongbah Tura kala poi mynta ka sngi (24.09.22) sha kaba kut (Final) ha kaba u Myntri Rangbah ka Jylla u Conrad K. Sangma ula wan ban pynhap pyrda ia kane ka jingiakop.

Ha kane ka jingialehkai kila don ki rangialehkai na West Jaintia kiba la poi sha ka thong jingjop (Winner) bad ruh ha ka kyrdan kaba ar (Runners-up).

Ha ka jingialehkai jong ka Men Single u Mebankerlang Chullai (WJH) ula ioh rah ia ka nam jop (Winner) hadien ba ula pynliem ia u Ritu Raj Nag (EKH) da 14-21, 21-18 bad 13-21 points.

Katba ha ka jingialehkai Men’s Doubles u Mebanker Chullai bad u Gregereo Passah (WJH) kila poi ha ka kyrdan kaba ar (Runners-up) hadien ba kila shah pynliem ha u Ritu Raj Nag bad u Kiefer W. Shullai (EKH) da 21-17, 19-21 bad 23-21 points.

Ha ka jingialehkai U-17 Boys’ Double u Banshanbor Lamare bad u Wompher Emi Law (WJH) kila long ki lahduh (Winner) hadien ba kila pynliem ia u Hunbait Mannar bad u Lechan Suchiang (WJH) da 21-12 bad 21-17 points.

Ia ki nongialehkai bala poi sha ka thong la sam da ki Certificates bad ka Cash Prize.