Hynne ka sngi (24/09/2022) la rakhe ia ka sngikha jong u Deen Dayal Upadhyay ha shnong Wahiajer West Jaintia District, ha ryngkat shibun jait ki prokram ba la pyndep naduh ka Marathon Race, Essay Writing, Drawing Competition, Football bad kiwei.
Ha kane ka sngi la don ruh ka jingialang ha Mini Stadium Wahiajer hapoh ka jingpyniaid u Principal jong ka Deen Dayal Upadhyay Community College Wahiajer u Prof Dr H. Lamin, ha ka jingiadon lang u Rangbah Shnong Wahiajer u bah Sanwotki Laloo, la iadon lang ruh u ma W. Lyngdoh u ba long u Ex-Additional Director of Education Govt of Meghalaya, la ioh ruh iaka jingkren na u ma J. W. Dkhar Assiociate Professor NEHU, u LMK Lyngrah Finance Officer NEHU Shillong bad kiwei de.
U Prof S.K. Dixit ha ka jingkren kum u kongsan u la kyntu ia ki khun samla ban shim khia ha ka jingpule jong ki khamtam ha kane ka juk ba mynta ka long kaba eh ban ioh iaka kam sorkar kumta u la kyntu iaki ban leit sha kane ka jaka pule ha ka Deen Dayal Upadhyay Community College Wahiajer ka ba long ka tnat jong ka skul bah NEHU, la ioh ruh iaka jingrwai bad jingshad na ki samla pule jong kane ka College.
