Ki khynnah ialehkai kynthei bad shynrang jong ka West Jaiñtia Hills ha ka jingialam jong i kong Dapha Tang bad u Wankishwa Mawlong ha ka jingialehkai Judo kaba lah long ha ka 23 bad 24 une u bnai ha SAI STC Shillong kila ioh ban khur takma haduh 10 tylli ha ki kyrdan ialehkai bapher bapher.
Ki takma ba la ioh khur ha kane ka jingialehkai ki kynthup kawei ka takma Ksiar ba la ioh khur da u Nangiaid Pyrtuh ha ka kyrdan 66 kg bad 8 tylli ki takma Rupa ba la ioh khur da u Pherki Dhar 45 kg, Cheerful Susngi 50 kg, Player Dhar 55 kg, Dao Shylla 73 kg na ka liang ki kynthei ka Diamond Susngi 44 kg, Albricia Shadong 48 kg, Kheinkor Padit 52 kg, Soktina Pohti 63 kg bad kawei ka takma Rnong ba la khur da u Kevinstar Dkhar 60 kg.
Na ka liang ki nongialam jong ka West Jaintia ki la pynpaw ka jingsngewnguh ia ki nongialehkai ba ki la leh bha bad khamtam ia u Districts Sports Officer ka West Jaintia Hill Districts bad kumjuh ia ki Dkhot bad nongialam jong ka West Jaintia Districts Sport Association kiba la kyrshan bad ai mynsiem ia ki nongialam bad ia ki nongialehkai jong ka sport.
Kane ka long katkum ka kyrwoh ba la phah da u Wankishwa Mawlong.
