[Pynbam smai u ma Dapoiwanmi ia ki dkhot thymmai ka Mookhep Unit]
Ka Meghalaya People United Front (MPUF), mynta ka sngi 26.09.2022 ka la ioh ban pynkha ia ia ka MPUF-Mookhep Unit bad ka Mookhep Women Wing Unit, ha ka jingialang ba la long ha Dorbar Hall jong ka shnong Mookhep, East Jaiñtia Hills District.
Ia ka jingialang ha kane ka sngi la pyniaid da u ma Kmen Siangshai, General Secretary MPUF East Jaintia Hills District.
Ia ki dkhot jong ka Mookhep Unit bad ka Mookhep Women Wing Unit la pynbam smai da u President MPUF sengkmie u ma Dapoiwanmi Laloo u ba la ai ruh ki jingkren shaphang ki rukom treikam bad ka thong jong ka seng sha kine ki dkhot ba thymmai.
La ioh ruh ki jingkren kyntu kynpham na u President MPUF-EJHD ma Kyrshan Blah uba la iathuh ba seng ka dei kaba peit ia ka jingeh ki briew khamtam ia kiba duk ba rangli kiba shah ieh khunswet, da kaba na ka por sha ka por ka seng ka juh leit ai jingiarap ia kine ki briew kiba donkam shisha ka jingiarap da kaba ka seng ka kynshew katba ioh para dkhot na ka bynta ban ai ia ki jingiarap ha kano kano ka por.
Mynta ka sngi la donlang ruh u General Secretary NPP ka 6-Khliehriat Constituency ma Iasyllok-Ki Lyngdoh, ma Jonny Phawa President San Shnong MPUF ha ka jingdonlang bad kiwei de ki dkhot ka seng.
Ki nongkit kam jong ka Mookhep Unit ki dei President samla S. Shiangshai, Vice President Babu Rymbai, General Secretary u samla Ioanis Rymbai, ki nongkitkam jong ka Mookhep Women Wing Unit, ki long President kong Youkiniki Rymbai, Vice President kong kong Karbelin Rymbai, General Secretary kong Eity Summer bad kiwei de ki nongkit kam ka Executive Committee bad ki dkhot ka Executive Member.
Na ka liang ka President MPUF- Women Wing Unit ka kong Youkiniki Rymbai, ka la ai khublei ia ka seng MPUF ba la ai lad ia ki ban pynrung ialade sha ka seng jong ki, da kaba ong ruh ba katkum ka jingiohi jong ka ba kane ka seng ka dei kawei na ki seng kaba trei ruh na ka bynta ban iarap ia ki kup shilliang sem shilliang.
