Ka Jaintia Youth Federation (JYF) ha 4 tarik mynta u bnai kala wan ban ai mynsiem lem ia u Marshall Biam President JCOMSWA u ba dang shong shahthngan khlem buh por halor ka jingdawa ban plie ia ka jingtih dewiong hapoh East Jaiñtia ia kaba la khang naduh u snem 2014 haduh mynta.
Na ka liang ka JYF ka kyrpat lem ia kiwei de ki nongshong shnong ka rilum Jaiñtia ba ki wan ban ai mynsiem ia u ma Marshall Biam khnang ba un nangiohbor shuh ha kane ka jingiakhih jong u.
Ha kajuh ka por ka JYF ka kyrpat ia ka sorkar MDA-II hapoh ka jingialam u Conrad K. Sangma ban thaw ki lad ki lynti ban plie ia kane ka kam tih dewiong na ka 100 Hacter sha ka 10 lane 5 Hacter khnang ban ym ktah ia ki trai par kiba rit ba ria.
Kane ka long kat kum ka kyrwoh khubor ba la pyllait da u B.Chyrmang Vice president JYF-CB.