Ka District Agriculture Officer bad Member Secretary DLCC 11th Agril Census, East Jaintia Hills District, Khliehriat kala pynbna paidbah ba ka Department of Agriculture and Farmers Welfare, Ministry of Agriculture da ka jingiatreilang bad ka Department of Agriculture, Meghalaya kan sa pynlong ia ka 11th Agriculture Census 2021-2022.
Ia ka Agriculture Census la ju pynlong man la ka 5 snem bad na kane ka census, lah ban ioh ia ki jingtip ia ki jingdon ki jaka rep bad ka jingheh jong ki, ka jingaiwai jaka ban rep, ka rukom rep, ka jingpyndonkam ia ka sboh bad kiwei kiwei. Ia ki jingtip (data) ba la ioh na ka Agriculture Census, la pyndonkam ia ki ha ka ban thaw ia ki aiñ bad ki programme ba thymmai kiba iadei bad ka kam rep kam riang (Agriculture).
Shuh shuh, kane ka 11th Agriculture Census kadei ka census kaba nyngkong ban pyndonkam ia ki smart phone bad tablet ban lum bad pyndap ia ki jingkhein. Ka Office jong ka District Agriculture Officer, East Jaiñtia kan lum jingkheiñ ha baroh ki shnong kiba don hapoh jong ka District da ka jingiatreilang bad ki briew sorkar jong ka Department ba pher bapher.
