Mynta ka sngi u bah Banteidor Lyngdoh, Minister ka Agriculture ula wan ban buh maw nongrim na ka bynta ban kyntiew kyrdan ia ka PHC Jongksha sha ka CHC ba pura.
Ha kane ka sngi la iadon lang ruh u bah Martle Mukhim uba dei u MDC ka Mawkynrem Constituency, u bah G. Dkhar, BDO Mawkynrem C&RD Block bad Dr. H. Lyndem Director of Health Services (MI) nalor kiwei de.
Haba kren ha ka jingialang u bah Banteidor ula ong ba ka jinglah jong ka sorkar ban kyntiew kyrdan ia kane ka PHC ha Jongksha sha ka kyrdan CHC kan wan rah jingmyntoi shibun ha ka liang ka koit ka khiah ia ki nongshong shnong bad ruh ia ki nongshong shnong ba don marjan bad kane ka thaiñ.
U bah Banteidor u khot lang ia baroh ki nongiadon bynta bad kane ka CHC bad ki paidbah kumjuh ba long kiba iatreilang bad ka sorkar na ka bynta ka bha ka miat ha ka liang ka koit ka khia jong ki nongshong shnong ka Jylla hi baroh kawei.
