Ka Ministry of Information and Broadcasting (MIB) mynta ka sngi kala pynmih ia ki ar tylli ki hukum (Notice) ban khang ia ka jingpynmih ia ki jingpynbna (Advertisement) kiba iadei bad ki kam khalai, namar kane ka ktah jur ia ki nongshong shnong ka ri India khamtam ia ki khynnah bad ki samla ka ri.
Ka hukum kaba nyngkong ba la pynmih da ka MIB ka long ba la khang ia Television channel jong ki riew shimet (Private) bad kaba ar ia ki Digital ne ki online news ba nangne shakhmat kim bit shu ban pynmih ia kum kitei ki jait jingpynbna. Ki jait jingiakhalai kiba ka Ministry kala lap ba la juh kham Advertise bha manla ka por ki kynthup ia ka Fairplay, PariMatch, Betway, Wolf 777, and 1xBet.
Lada ka Ministry kan dang lap ba dang don kiba pynmih ia kum kine ki jingpynbna paidbah yn pynshitom ia ki katkum ka aiñ jong ka Consumer Protection Act 2019, Cable TV Network Regulation Act 1995 and the IT Rules, 2021.