[Kyntu u ma Blah ban kiar na ki jingdih pynbuaid ban poi sha ka thong]
Ka Meghalaya People United Front (MPUF) EJHD hynne ka sngi hapoh ka jingialam u President ka Seng u ma Kyrshan Blah kala synniang da ki Jersey phutbol sha ka Pamrakmai Sports Club Association, ha ka jingiadon lang u General Secretary u ma Kmenlang Siangshai ryngkat bad ki dkhot ka seng bad ruh ki nongkitkam jong ka Pamrakmai Sports Club.
Haba ai jingkren na ka liang jong u ma Blah ula kyntu ia baroh ki nongialehkai jong ka Pamrakmai ba kin pyndonkam hok ia la ka jong ka sap ka phong kaba u Blei ula ai ei ha ki. U la ong ruh ba ka kam ialeikai Phutbol ka dei ka wei na ki lad kamai jakpoh ha kine ki sngi ba mynta. Kumta ula kyntu ia baroh ki nongialehkai ba ki dei ban kiar na ki jait jingdih ba sniew kum ka kyiad, ka drok bad kiwei de ki jait jingdih pynbuaid, khnang ba kin ioh ia ka met kaba koit ba khiah bad ruh kin lah ban poi sha ka thong ba ki thmu.
Na ka liang jong ki nongialam jong ka Pamrakmai Sports Club Association kila pynpaw ia ka jingkmen ban ioh pdiang ia kine ki jingai sngewbha jong ka seng MPUF, kumta ki kit bok kit rwiang ia ka seng bad ia ki nongialam jong ka ba kin nangkiew shakhmat jong ka jingim ban ioh ia ka met kaba koit ba khiah. Ki ong ruh ba ka MPUF ka dei shisha ka seng kaba peit ia ka jingeh jingjynjar jong ki nongshong shnong ka thaiñ ha kiba bun ki liang. Kumta ki nang kit bok shuh shuh ia ka MPUF ba kan nanglah ban ai ka jingshakri bad iarap ia ki kup shiliang ki sem shiliang hapoh ka Jylla hi baroh kawei.