Ki paid riew ngeit Hindu kiba shong ba sah ha nongbah Jowai bad ki shnong ba markhap kila ia mih paidbah mynta ka sngi, ryngkat ka jingkmen jingsngewbha ban pyndep ia ka niam ka rukom ban leit pynngam um ia ka blei Durga ha Wah Myntdu, ha ki bynta jong ka Pynthor Wah (Syntu Ksiar), Jowai.
Ha kane ka sngi ha ryngkat ka jingsynran lang ki bor jong ka aiñ, ki riew ngeit Hindu bad wat ki bym dei na ka jingngeit Hindu ruh kila iashim bynta lang da kaba ia mih na Shiv Mandir kaba don ha Iawmusiang Jowai, harum ka Thanad (Jowai PS) ban rah ia ki dur thaw jong ka blei Durga ha ki kali ban ioh leit pynngam um ia ki sha Wah Myntdu.
Ia kane ka jingpynngam um ia ka blei Durga la leh ha kylleng ki bynta jong ka ri lum Jaintia ha ki jaka ne shnong ba don ki riew ngeit Hindu, kynthup ia ka Nartiang, Lad Rymbai, Khliehriat, Dawki bad kiwei de.
