Ka 7-Amlarem Legislative Assembly Constituency mynta ka sngi kala ioh ban pynlong ia ka Academic Award Ceremony-2022, ne ka jingpynkup burom ia ki samla ba pass bha bad ia kiwei de, ia kane ka jingpynkup burom mynta u snem la ioh ban ai khusnam haduh 396 ngut ki samla bad kiwei.
Ha kane ka sngi la donlang u MLA ka thain uba long ruh u myntri ka tnat pule puthi bad kiwei u ma Lahkmen Rymbui, Dr. L. R. Bishnoi, IPS DGP ka jylla, bah D. P. Wahlang IAS Chief Secretary ka jylla, Dr B. D. S. Tiwari IAS Commissioner Secretary, ki Rangbah Shnong bad kiwei, ia kane ka jingialang pynkup burom la pynlong ha Enowell Hall Amlarem Civil Sub-Division.
Ia kane ka jingpynkup burom mynta sngi ka long na ka bynta ki samla ba pass ha ka Eksam SSLC, HSLC, B.A, B.Sc, Commerce, Ph.D bad kiwei nalor kane la pynkup burom ruh ia ki longkmie kiba don bynta ha ka jingpynneh pynsaha ia ka jingkhuid jingsuba jong ka Iew Amlarem.