U ma Piwell Shylla uba ju long kum u Vice President ka Congress Party hapoh ka jylla Meghalaya bad kum u President Congress Party ka East Jaintia Hills District, u la pyntip ba ula iehnoh ia kitei ki kam baroh ar naduh ka 06.10.2022.
Na ka liang jong u, u la iathuh ruh ba ka jingiehnoh jong u ia ka kam President ka EJH District bad Vice President hapoh ka jylla, kam shym la don kano kano ka daw ha ka jingiadei bad ka Party hynrei ka dei tang ka daw jong u hi shimet.
U la ong ba ia mynta hi um pat pyrkhat ne don jingmut ban rung sha kano kano ka party hynrei un sa bishar bniah ha shwa ban leit rung sha kano kano ka Party .
