Ka Central Academy for State Forest Service (CASFOS), Burnihat, Assam kala pynlong ia ka jingai jinghikai ba lai sngi lynter sha ki Nonghikai bad khynnah skul jong ka jylla Assam bad Meghalaya halor ka phang Conservation Education.
Ia kane ka jingai jinghikai (training) balai sngi la wan plie pyrda da u M.K. Yadava, IFS, PCCF & HoFF, Government of Assam kum u Kongsan ha ka jingiadon ryngkat u Dr. C. Ramesh, IFS, Principal, CASFOS, Burnihat, Dr. Ramkrishnan R., Scientist-C, CASFOS, Byrnihat, Shri C. A. Rahman, IFS (Retd.) Faculty & Course Director, CASFOS, Byrnihat.
U Yadava haba ai jingkren ula ai khublei ia ki Nonghikai bad ki khynnah kila wan ban iashim bynta ha kane ka prokram. U ong ba ka jingwan iashim bynta jong ki kan iarap shibun ban nang pyniar shuh shuh ia ka jingtip jong ki shaphang ka jingpynneh pynsah ia ka mei mariang. Ha ka juh ka por u kyntuh ia ki ban pynsaphriang ia kaei kaba kila ioh na kane ka training sha kiwei pat ki paralok parajor jong ki.
Ha kane ka training kila don baroh 35 ngut. 13 ngut ki dei ki Nonghikai bad 22 ngut pat ki dei ki Khynnah skul na ki Eco-Club bad ki skul bapher bapher jong ka jylla Assam bad Meghalaya.