Ka ophis jong ka Nehru Yuva Kendra Sangathan, Nongstoiñ, ha ka sngi thohdieng jong ka taiew ka la pynlong ïa ka District Level jong ka Yuva Utsav, ha kaba la ïashim bynta da ki bun phew ngut ki khun samla na ki Block bapher bapher ka West Khasi Hills bad kumjuh ruh na ka District jong ka South West Khasi Hills.
La pynïaid ïa katei ka program da u Biangborpyrkhat Nongsiang NYV jong ka Nongstoiñ Block. Ia kane ka jingialang la pynshongkun da ka jingiadon lang u MDC ka Nongstoiñ Constituency u Bah Gabriel Wahlang u la long kum u kongsan ha kane ka sngi, u President ka Meghalaya Chess Association Bah Boney Kharbani bad kumjuh u Deputy Director jong ka Nehru Yuva Kendra Sangathan Meghalaya, u Donavan Rapsang u ba dei peit ruh ïa ka Nongstoiñ NYKs bad ki nongtrei jong ka ophis.
Ha kane ka sngi la pynlong ïa ki jingïakop bapher bapher kum ka jingïakop thoh poitri, ka jingïakop shon dur da ka Mobile, ka jingkop painting, ka declamation contest, ka youth convention bad ka cultural program. Ha kane ka jingïakop, ki nongjop jong ki bynta bapher bapher la ïoh ban sam da ki syrnod bapher bapher.
Ki nongjop jong ka jingïakop thoh poitri ki long ka Daisy Mary Marweiñ kaba wan ba nyngkong, ka Jiovanni Nongrum kaba wan ba ar bad ka samla Lovemerrysha Syiemlieh kaba wan ba lai. Ki nongjop jong ka jingïakop shondur da ka mobile ki long u Hamarbadonbok Nonglang, ba wan ba ar u Femulstar Paliar bad ba wan ba lai u B.Rmen.
Ki nongjop jong ka painting ki long ka Bibitidul Sohshang, ba wan ba ar u Mightyson Syiemlieh bad ba wan ba lai u Bamutskhem Nongsiej. Ki nongjop jong ka Declamation contest ki long ka Citycity Nonglang, ba ar ka Bellyti Marweiñ bad ba wan ba lai ka Samanbha Ryntathiang.
Ki nongjop jong ka Youth Convention ki long ka samla Citycity Nonglang kaba wan ba nyngkong, ka samla Bellynti Marweiñ ba wan ba ar, ka Samanbha Ryntathiang ba wan ba lai bad ba wan ba saw dei u Aldus Lyngkhoi.
Ki nongjop jong ka Cultural Program ki long ba wan ba nyngkong dei ka group Gijang A’kong A’chik Cultural Arts and Sports Association (Mawshynrut C&RD Block), ba wan ba ar dei ka group Family & Youth ba dei na Nongstoiñ Block bad ba wan ba lai ka dei ka group Amtrak kaba na Nongstoiñ Block.