U Deputy Commissioner u la kyntu ia baroh ki nongshong shong khamtam ki khynnah samla kiba la dap 18 snem ba kin leit ban pynrung kyrteng ialade khnang ba kin ioh iaka EPIC bad ban ioh thep vote ha ka por Election.La iathuh ruh ba Election Commission of India ka la ailad ia ki samla ki ban sa dap 18 snem katta katkum ka 1st April, 1st July bad 1st October ha u ne u snem u ban wan (2023), ki ruh ki lah ban pyndap ia ki Form-6 ha kane ka Special Summary Revision.U Deputy Commissioner u la kyrpad ia ki ba ha ïing hasem jong kito kiba la khlad noh na kane ka pyrthei, ba kin pyndap noh ia ka Form-7 ban delete lane ban weng noh ia ka kyrteng jong U/Ka briew ba la iap na ka E-Roll.
Kito kiba kwah ban pynbeit ia ki jingbakla ha ki EPIC jong ki lane kiba kwah ban transfer ia ka kyrteng na kawei ka jaka sha kawei pat ki lah ban pyndap da ka Form-8.
la ki Form lah ban pyndap lyngba ki BLO ki ba don ha manla ki Polling Stations lane lyngba ka Online Mode (NVSP/Voter Helpline) App.
Ki BLOs kin don ha ki Polling Station ha ki sngi kyrpang ba la buh da ka ECI kata ha ka 18-11-2022 bad 19-11-2022 bad ha ka 25-11-2022 bad 26-11-2022.
Ka Ophis jong u Deputy Commissioner (Election), Jowai ka la pyntip ruh baka program ban link (bad pyniasoh lang) ia u Aadhaar bad ka EPIC ka la sdang naduh ka 1-8-2022 bad ka jingthmu jong kane ka programme ka dei beit tang ban pynshisha ba U/Ka briew ki dei shisha ne em kiba don kyrteng ha ka E-Roll, bad kumjuh ruh ban pynthikna ba kim don kyrteng ar jaka ha ka E-Roll bad ym don kano kano ka jingpyndonkam bakla ia u Aadhaar Number.
La pyntip ba ia u Aadhaar Number lah ban submit ha ki BLO jong ka Polling Station da ka mon sngewbha bad ym don ka jingpynbor ia ki nongthep vote.
U Deputy Commissioner (Election) u la kyntu ia baroh ban shimkhia ia kane ka kam ban link ia u Aadhaar bad ka EPIC bad ruh ban pynrung kyrteng ha ka E-Roll katkum ki tarik bala buh da ka ECI.