U Myntri Rangbahduh (Prime Minister) jong ka ri u Narendra Modi mynta ka sngi ula pyntip lyngba ka Twitter jong u ba u kyrpad ia ki nongshong shnong jong ka ri India baroh kawei ban ia thied ia ki tiar kiba ula ioh sngewbha na ki riew paidbah ha ki por ba la dep bad ruh dang shen na ki rang bad thei ialehkai jong ka Olympic.
Kat kum ka Twitter u PM ula iathuh ba ka pisa ka ban mih na kaba die ia kine ki tiar yn pyniaid ne pyndonkam sha ka ‘Namami Gange Initiative’, kaba dei ka prokram jong ka sorkar kmie kala sdang naduh u snem 2014 halor ka jingthmu ban wanrah ka jingiada na ka jingpynjaboh ia ka mei mariang bad ruh ka prokram ban wanrah biang ia ka jingkhuid bad jingitynnad jong ka wah Ganga.
Kiba don jingmut ki lah ban leit ha ka Live Auction lyngba ka website pmmementos.gov.in ban ioh jingtip halor ki dor ki mur.