Ka Iahunlang Demthring, Village Organization (VO) ka la ioh ban rakhe ia ka jingdap shi snem jong ka Village Organization ha shnong Demthring ha kane 14th Risaw, 2022. Kum ka dak jong ka jingkynmaw burom ia ka jingdap shi snem jong ka, ka Iahunlang Demthring Village Organization ka la ioh lad ban pynkhuid shnong ha baroh ki kyntoit bad kumjuh ka ioh ban sam ia ki dustbin ha ki 8 tylli ki kyntoit hapoh ka shnong.
Hadien ka jingpynkhuid shnong, ka Iahunlang Demthring VO ka la ioh ban pyndon burom ia kane ka sngi da kaba pynlong ia ka program ha ka por janmiet hapoh ïing Hall jong ka Shnong Demthring, hapoh ka jingpyniaid jong ka President bad ka Secretary.
Ha kaba la ioh ia ki jingkren na ka President kong S. Ryngkhlem kaba pdiang sngewbha ia ki members ka VO, ki dkhot ka SHGs bad ki members jong ka Shnong baroh.
La ai jingkren ruh na ka liang ka Active Women (AW) kong L.Liam kaba tatai ha kaba ia dei bad ka rukom trei kam jong ka VO bad ka SHG hapoh ka Shnong.
Na ka liang u Rangbah Shnong ma S.B Ryngkhlem haba kren, u la iaroh ia ka jingthmu jong ka VO ha kaba ia dei bad ka jingpynkhuid Shnong ha kane ka sngi bad kum juh u la kyntu u ia ki Members SHG baroh kin long kiba ia dei jingmut ban trei kam ban pynbha hapoh ka shnong. U la ai ka jingkyntu sha ki SHGs baroh ban long kiba ia tylli ban trei shitom nangne sha khmat.
Ia ka jingkren pynkut la ia da ka kong A. Ryngkhlem, kaba ong da ka jingiatrei lang ki dkhot ka VO bad ki dhot SHG ki kam baroh ha kane ka sngi ki long kiba jop.
