I Deputy Commissioner (Supply), East Khasi Hills ila pyntip paidbah ba ia u khaw Rashon hapoh ka skhim NFSA bad Non-NFSA na ka bynta u bnai September, 2022 la pyllait sha baroh ki dukan die Rashon hapoh ka District.
Yn sam ia u khaw ha ka jingthew kaba 35 kg kawei ka Card ha ka dor T.3/- shi kg na ka bynta u khaw AAY. Yn sam 5 kg shi khlieh ha ka dor T.3/- shi kg na ka bynta u khaw PHH bad 7.215 shi ïing ha ka dor T. 12.70 haduh T.13.00 shi kg ia u Non-NFSA.
La bthah ia baroh ki dakan die Rashon (Fair Price Shops) ban sam pyndep ia une u khaw mar sien ioh da kaba kin buh ruh ia ka List kyrteng jong ki nongbam rashon bad ka por plie ha ki dukan jong ki. Ha kajuh ka por I DC (Supply) ila kyntu ruh ia ki nongbam Rashon ba kin sngewbha ban phah ia ki Aadhaar number jong ki sha ki dukan die Rashon na ka bynta ban iaid beit iaid ryntih ka jingpyndonkam ia ka e-POS machine.
Lada don kano kano ka jingbym sam ia une u khaw ne saw duna da ki nongdie Rashon ki paidbah ki dei ban ujor sha ka ophis jong i DC (Supply), East Khaasi Hills District, Shillong ban in ioh leh ia kaba donkam.