Ka seng KYC dang shen ka la leit ban iakynduh ia u SDO jong MeECL khliehriat Division halor ka mat ban dawa ban pyntreikam noh ia ka online bill Payment ban siew ia ka bill light bad ruh ban pynshna jingda tin (overhead roof) ha jaka siew bill light ba don ha office jong ka MeECL Khliehriat Division.
Ha kajingiakynduh bad ka jingiakren ka seng ka la dawa jur ba dei ban pyntrei kamnoh ia kane ka online payment mode. Ha ba peit la jan baroh hi ba long digital te la dei hi ka por ban pyntreikam noh ia ka online bill payment khnang ba kan pynsuk ia u paidbah na ka jingbunkam bad pynlut ei ia ka por ka jong ki. U President ka East Jaintia Hills u Preios Pale u la ong bad ai jingmut ba kito kiba nang ban pyndonkam ia ki smart phones lane kino ki Gadgets ban kin ioh siew online noh katba ki bym kin bym nang pat kin hap ban siew hi sha office.
Te ka seng kala dawa ruh ban pynshna kloi kloi ia ka jingda tin (overhead roof) ha ka jaka siew bill light ha office ka MeECL Khliehriat Division khnang ba ki paidbah kin ym mad ia ki jingeh kum ha ka por slap ne haba shit palat ka sngi. Kumba long mynta lada slap lane shit ruh ki paidbah ki hap beit ban shah ban ieng line ha madan ban ioh siew bill. Kane ka long ka kyrwoh ba la phah da u General Secretary HYC, EJH u samla Arki Lamare.