Ka lympung ïalehkai jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long mynta ka sngi ha Kiang Nangbah Stadium, Dongmihsngi Jowai.
Ïa kane ka lympung la pynïaid da ka West Jaiñtia District Sports Association (WJDSA) shi bynta na ka jingrakhe jubilee ksiar jong ka Association kaba la jam sha u mawmer ba 50 snem jong ka jingshakri ban pynkiew ïa ka kam ïalehkai Sports hapoh ka District.
Haba phai sha ka jingïakhun na ka liang ka kynhun ïalehkai jong ka Shangpung Moosyiem SC kala lah ban pynliem da 2-1 kol ïa ka Dulong SC, ïa kitei ki kol na ka Shangpung Moosyiem SC la thep da u Kenny Langbang ha ka minit ba 15 bad u Mewotki Sungoh ha ka minit ba 48.
Katba ïa ka shikol na ka Dulong la thep da u nongïalehkai jong ka u Clifford Lytan ha ka minti ba 50, haduh ba kut jong ka jingïalehkai kala neh da 2-1 kol.
Ka jingïakhun lashai ka sngi 21 tarik kan long hadpeng ka Luti Tuber Ialong SC pyrshah ïa ka Sailung Ialong SC ha ka por 2 baje shiteng nohphai sngi.
